Familja e banores së “Big Brother VIP Kosova”, Sasa Hoda, ka bërë një reagim publik të menjëhershëm dhe të detajuar, pas deklaratës së fortë që ajo bëri mbrëmë lidhur me gjyshen e saj me origjinë serbe.
Fraza e Sasës, e thënë me tone të larta gjatë një debati, “Gjyshja ime serbe i ka palu 10 shqiptare”, ndezi debate të ashpra në rrjet, duke u interpretuar si ofenduese.
Megjithatë, familjarët sqarojnë se kjo deklaratë është bërë nën presion emocional dhe është keqkuptuar thellësisht nga publiku.
Në reagimin e tyre, ata theksojnë se gjyshja e Sasës ka qenë një figurë e respektuar që ka ndihmuar shumë familje në nevojë me bukë dhe strehë gjatë kohëve të vështira, duke dëshmuar humanizëm të lartë pavarësisht përkatësisë etnike.
Lidhur me frazën specifike që shkaktoi zhurmën, familja sqaron përfundimisht kontekstin: “Fraza ‘paloj 10 shqiptare’ ka qenë e thënë në kuptimin se gjyshja e tyre ka pasur vlera sa dhjetë shqiptare, e jo në ndonjë kuptim tjetër të gabuar.”
Ata kërkojnë mirëkuptim për të mos njollosur reputacionin e një gruaje që, sipas tyre, ka bërë vetëm mirë për komunitetin.
