Në Slloveni rritet numri i personave të infektuar nga gripi. Vetëm në spitalet në kryeqytet janë hospitalizuar 400 pacientë, prej të cilëve nëntë tanimë kanë vdekur, njoftoi korrespondenti i MIA-s nga Lubjana.
Numri më i madh i të infektuarve janë fëmijë dhe të rinj deri 14 vjeç.
Mediumet lokale njoftojnë se në disa shkolla në vend, gjysma e nxënësve janë të infektuar. Në barnatore gjithnjë më rëndë gjenden ilaçe kundër gripit.
Për shkak të gjendjes alarmante me gripin, autoritetet shëndetësore për sot paralajmëruan edhe konferencë për shtyp.
