Seanca e sotme e shqyrtimit paraprak të dosjes ndaj Erion Veliajt dhe të bashkëpandehurva është zhvilluar mes debateve mbi avokaten kryesisht të kryebashkiakut.
Veliaj ka pretenduar se avokatja Valentina Teodoresku nuk i garantonte mbrojtje efektive. Sipas tij, avokatja nuk e njeh dosjen dhe se edhe ai vetë nuk është njohur me të gjitha aktet e saj.
Avokatja Teodoresku ka kërkuar kohë shtesë, duke pohuar se e ka takuar vetëm një herë në paraburgim Veliaj. Sipas saj, ajo ka qëndruar vetëm një orë, pasi aq mund ta priste taksia.
Gjykata ka vendosur të kalojë në konkluzione përfundimtare. Avokati i Veliajt, Artan Gjermeni, është larguar nga salla. Pas tij është larguar edhe kryebashkiaku, pasi ka kërkuar edhe përjashtimin e gjyqtares paraprake, Etleva Deda.
