Ish-Presidenti i SHBA-së Bill Clinton dhe gruaja e tij Hillary Clinton, ish-Sekretarja e Shtetit, kanë rënë dakord të dëshmojnë në hetimin e Kongresit për autorin e ndjerë të krimeve seksual, Jeffrey Epstein.
Bill Clinton njihej me Epstein, i cili vdiq në burg në vitin 2019, por ka mohuar të ketë qenë në dijeni të kryerjes së tij të një krimi seksual dhe thotë se i ka ndërprerë kontaktet dy dekada më parë.
Nuk është e qartë se kur do të zhvillohen dëshmitë, por do të jetë hera e parë që një ish-president i SHBA-së dëshmon para një paneli të Kongresit që kur Gerald Ford e bëri këtë në vitin 1983.
Të hënën në mbrëmje, zëvendësshefi i stafit të Bill Clinton, Angel Ureña, postoi në X duke konfirmuar se çifti do të paraqitej para panelit.
Të dy Clintonët thonë se më parë i kanë dhënë komitetit deklarata të betuara dhe tashmë kanë dhënë “informacionin e kufizuar” që kishin për Epstein.
Çifti i kishte hedhur poshtë thirrjet ligjore si “asgjë më shumë se një dredhi për të tentuar të turpërojnë rivalët politikë, siç ka urdhëruar Presidenti Trump”.
