Këngëtarja e njohur Bebe Rexha ka zbuluar detaje të reja mbi jetën e saj sentimentale, një muaj pas postimit të befasishëm ku kërkonte nga fansat një “baby daddy”.
Gjatë fundjavës së çmimeve Grammy 2026, Rexha u pyet nga fotografi Kevin Wong nëse aktualisht është në një lidhje. Me një dozë humori, ajo u përgjigj: “Jo. I kam tre në listë. Janë tre prej tyre.”
Sipas artistes, pamja e jashtme nuk është vendimtare, teksa ajo ka treguar kriteret e saj: partneri duhet të jetë mes 1.8 dhe 2 metra i gjatë, me personalitet të fortë, i suksesshëm dhe jo përfitues. Gjithashtu, ai duhet të jetë më i gjatë se vetë ajo.
Bebe Rexha duket se nuk ka ndërmend të nxitojë dhe preferon të zgjedhë dikë që i përputhet në karakter dhe ambicie, duke treguar një qasje të qetë dhe të sinqertë ndaj dashurisë dhe marrëdhënieve.
