Udhëheqësi i Koresë së Veriut, Kim Jong un u riemërua President i punëve të shtetit. Kështu raportoi televizioni shtetëror KRT, pasi vendi i izoluar mblodhi seancën e parë të Asamblesë së tij Supreme Popullore.
Asambleja, legjislatura e Koresë së Veriut që miraton zyrtarisht politikën shtetërore, zakonisht mblidhet pas një Kongresi të Partisë së Punëtorëve në pushtet për t’i shndërruar vendimet e partisë në ligj.
Ajo diskuton ndryshimet dhe plotësimet në Kushtetutën socialiste, si dhe zgjedhjen e kryetarit të Komisionit të Çështjeve Shtetërore dhe organeve të tjera të udhëheqjes shtetërore.
Media publike shtoi se takimi do të shqyrtojë gjithashtu planin pesëvjeçar ekonomik të vendit të shpallur në kongresin e nëntë të partisë, të mbajtur në shkurt.
