Mungesë barnash në Britani /Paralajmërohet rrezik serioz për mungesë antibiotikësh qetësues dhe tension të gjakut

Britania e Madhe po përballet me një nga mungesat më serioze të barnave në vite, me farmacistë dhe mjekë që paralajmërojnë për probleme të vazhdueshme në furnizimin e ilaçeve të përditshme. Sipas raportimeve, në sistemin NHS po mungojnë disa ilaçe të rëndësishme, përfshirë qetësues (painkillers), barna për epilepsi, terapi hormonale dhe ilaçe për sëmundje kronike. Farmacistët thonë se situata është ndër më të këqijat e regjistruara ndonjëherë, me disa barna që kanë qenë të pamjaftueshme për muaj apo edhe vite, duke detyruar pacientët të ndryshojnë trajtim ose të kërkojnë alternativa në farmaci të ndryshme. Një nga barnat më të përmendura në mungesë është co-codamol (paracetamol me kodeinë), një qetësues shumë i përdorur. Ekspertët e lidhin krizën me probleme në zinxhirët globalë të furnizimit, mungesë të përbërësve aktivë, si dhe kosto të ulëta rimbursimi nga NHS, që e bëjnë furnizimin më pak të qëndrueshëm për kompanitë farmaceutike. Autoritetet thonë se shumica e barnave ende gjenden, por pranojnë se situata është e paqëndrueshme dhe mund të ndikojë pacientët që varen nga trajtimet e përditshme.