Shpërthimi i vazhdueshëm i vullkanit Etna në Siçili po vijon të ndikojë në trafikun ajror. Edhe sot, më 6 korrik, Aeroporti i Catanias ka pezulluar përkohësisht të gjitha mbërritjet dhe nisjet për shkak të resë së dendur të hirit vullkanik.
Dhjetëra fluturime të kompanive Ryanair, easyJet, British Airways, Jet2, Wizz Air dhe linjave të tjera janë anuluar ose devijuar drejt aeroporteve të tjera në Siçili, kryesisht në Palermo. Autoritetet u kanë bërë thirrje pasagjerëve të kontrollojnë statusin e fluturimeve me kompanitë ajrore përpara se të nisen drejt aeroportit.
Sipas autoriteteve italiane, kufizimet janë vendosur për shkak të hirit vullkanik të lëshuar nga Etna, vullkani më aktiv në Evropë, i cili vazhdon aktivitetin e tij edhe gjatë ditës së sotme.
