Zjarret e mëdha pyjore në jugperëndim të Francës dhe në Spanjën qendrore kanë detyruar mbi 220 mijë persona, përfshirë mijëra turistë, të largohen nga zonat e prekura. Turistët kanë rrëfyer se pushimet e tyre u kthyen në një luftë për t’i shpëtuar flakëve, pasi morën alarme emergjente gjatë natës dhe u detyruan të evakuoheshin mes zjarreve të fuqishme.
Autoritetet franceze kanë angazhuar ushtrinë për të ndihmuar në përballimin e situatës, ndërsa Spanja ka shpallur gjendje emergjence kombëtare. Erërat e forta dhe temperaturat e larta po vazhdojnë të favorizojnë përhapjen e zjarreve.
Megjithëse fluturimet drejt Bordosë dhe Madridit nuk janë ndërprerë, autoritetet u kanë bërë thirrje turistëve të ndjekin udhëzimet e emergjencës dhe të mos rrezikojnë jetën në zonat e prekura.
