Lionel Messi ka reaguar për herë të parë pas humbjes së Argjentinës në finalen e Kupës së Botës, duke e përshkruar disfatën si një moment jashtëzakonisht të dhimbshëm.
Kapiteni argjentinas nuk arriti të udhëhiqte skuadrën drejt një tjetër triumfi botëror, pasi Argjentina u mposht 1-0 nga Spanja në finalen e zhvilluar në stadiumin MetLife, në New Jersey.
Messi pati një paraqitje larg pritshmërive dhe nuk arriti të ndryshonte fatin e ndeshjes, ndërsa Argjentina nuk regjistroi asnjë goditje në kuadrat gjatë 120 minutave lojë.
Pas përfundimit të takimit, ylli i futbollit publikoi një mesazh emocional, duke pranuar vështirësinë e momentit dhe duke thënë se do t’i duhet kohë për ta kapërcyer këtë humbje.
“Dhimbja është e madhe. Do të duhet kohë për ta mbyllur këtë plagë”, ishte mesazhi i Messit, i cili mbeti i zhgënjyer pas humbjes së trofeut.
Finalja u shoqërua edhe me polemika, pasi pas vërshëllimës së fundit pati tensione dhe një përleshje mes disa lojtarëve të Argjentinës dhe Spanjës, duke lënë një shije të hidhur pas një ndeshjeje historike.
