Thinking Machines Lab, kompania e themeluar nga shqiptaro-amerikania Mira Murati, ka prezantuar modelin e saj të parë të inteligjencës artificiale me peshë të hapur (open-weight), të quajtur Inkling.
Kompania synon të konkurrojë me sistemet tradicionale të AI duke ofruar një model që mund të personalizohet sipas nevojave të zhvilluesve, në vend të një zgjidhjeje unike për të gjithë.
Inkling ka gjithsej 975 miliardë parametra, por aktivizon rreth 41 miliardë parametra për secilën detyrë, duke e bërë më efikas në përdorimin e burimeve kompjuterike.
Modeli është trajnuar me 45 trilionë tokenë, që përfshijnë tekst, imazhe, audio dhe video. Si model open-weight, ai mund të shkarkohet, modifikohet dhe përshtatet nga zhvilluesit për përdorime të ndryshme.
Sipas Thinking Machines Lab, Inkling arrin rezultate konkurruese në programim duke përdorur më pak tokenë sesa disa modele rivale. Megjithatë, kompania pranon se Inkling nuk është modeli më i fuqishëm, as në kategorinë e modeleve të hapura dhe as në atë të modeleve të mbyllura.
Lançimi i Inkling shënon hapin e parë të rëndësishëm të Thinking Machines Lab në garën globale të inteligjencës artificiale, nën drejtimin e Mira Muratit, ish-drejtoreshë e teknologjisë në OpenAI
