Një panel shkencor prestigjioz i tha Shtëpisë së Bardhë mbrëmë se studimet tregojnë se koronavirusi mund të përhapet jo vetëm nga teshtima ose kollitjet, por edhe vetëm duke folur, ose ndoshta edhe duke marrë frymë.
“Ndërsa hulumtimi specifik aktual për koronavirus është i kufizuar, rezultatet e studimeve në dispozicion janë në përputhje me marrjen e virusit nga frymëmarrja normale,” shkruan në një letër Dr Harvey Fineberg, kryetar i Komitetit të Përhershëm të Akademisë Kombëtare të Shkencave në Sëmundjet infektive.
Kjo letër u dërgua në Zyrën e Shkencës dhe Politikës së Teknologjisë në Shtëpinë e Bardhë.
“Kjo letër i përgjigjet pyetjes suaj në lidhje mënyrën si përhapet koronavirusi përveç pikave të teshtitjes dhe kollitjes. Aktualisht hulumtimi i disponueshëm mbështet mundësinë që koronavirusi mund të përhapet përmes bioerosoleve të gjeneruara direkt nga e folura apo frymëmarrja e pacientëve”.
Sipas Qendrave Amerikane për Kontrollin dhe Parandalimin e Sëmundjeve, virusi përhapet nga personi në tjetrin, kur njerëzit janë brenda rreth gjashtë këmbë të njëri-tjetrit. Përhapet përmes pikave të frymëmarrjes të prodhuara kur një person i infektuar kollitet ose teshtit.
Fineberg i tha CNN se kjo është e vërtetë – por ai hulumtim tregon se pikat e aerosolizuara të prodhuara duke folur ose ndoshta edhe me frymëmarrje mund të përhapin virusin.
Fineberg tha se është e mundur që pikat e koronavirusit të aerosolizuara mund të varen në ajër dhe potencialisht të infektojnë dikë tjetër. Koha që koronavirusi mbetet në ajër varet nga disa faktorë, duke përfshirë edhe se sa virus mund të nxjerrë jashtë një individ i infektuar kur merr frymë ose flet.
Ai shtoi, megjithatë, se koronavirusi nuk është aq infektiv sa fruthi apo tuberkulozi.
/Ora News.tv/
