Të rinjtë dhe gratë me pagë të ulët ka të ngjarë të jenë më të grupet me të goditura nga mbyllja e bizneseve, përfshirë restorantet, hotelet, baret, shitësit me pakicë dhe shërbimet e transportit.
Sipas Institutit për Studime Fiskale, punonjësit me pagë të ulët janë shtatë herë më të predispozuar se ata me pagë më të lartë për të punuar në një sektor biznesi që është mbyllur.
Punëtorët e moshës nën 25 vjeç kanë rreth dy herë e gjysmë më shumë të ngjarë të punojnë në një sektor të detyruar që të pezullojë tregtinë. Kompanitë e mbyllura nën masat e distancimit shoqëror, kanë të punësuar gati një të tretën (30%) e të gjithë punonjësve nën 25 vjeç, duke mos përfshirë studentë me kohë të plotë, të cilët gjithashtu kanë një punë.
Xiaowei Xu, ekonomist në grupin e kërkimit të IFS tha: “Ekziston një përqendrim i jashtëzakonshëm i punëtorëve më të rinj dhe me pagë më të ulët në sektorët më të prekur nga bllokimi aktual. Gratë gjithashtu kanë më shumë të ngjarë të preken sesa burrat.
Studimi zbuloi se 61% e moshave nën 25 vjeç që punonin në sektorët e mbyllur jetonin me prindërit e tyre dhe priren të kontribuojnë një pjesë relativisht të ulët të të ardhurave familjare, mesatarisht 16%.
Shifrat nxjerrin në pah vështirësitë për miliona punëtorë, punët e të cilëve janë në rrezik pas javëve të mbylljes për shkak të COVID-19 e po ashtu edhe vështirësitë për përballimin e jetesës. Vetëm në dy javët e para të bllokimit një milion njerëz kanë aplikuar për ndihmë sociale. (The Guardian)
