Britania e Madhe hedh poshtë çdo lloj anulimi për dalje nga BE-ja, theksoi negociatori kryesor i BE-së, Mishel Barnie pas raundit të negociatave për Brexit që po zhvillohet në largësi.
“Qeveria e Britanisë së Madhe ka refuzuar çfarëdo anulimi të tërheqjes përfundimtare nga tregu europian të planifikuar në 31 dhjetor 2020. Kjo është data e Brexit ekonomik, ose fundi i periudhës kalimtare pas Brexit politik, 1 shkurt 2020”, ka thënë Barnie.
“Britania e Madhe ka ngadalësuar procesin e negociatave. Këtë javë ka refuzuar të hapë bisedime konstruktive për katër pika kryesore që qëndrojnë në deklaratën politike në Bruksel dhe Londër”, ka shtuar Barnie.
