David Luiz e Alexandre Lacazette kanë qenë në mesin e yjeve të Arsenalit që i janë kthyer stërvitjeve në kompleksin Colney të hënën, shkruan “Daily Mail”.
Pas 47 ditëve të kaluara jashtë kompleksit për shkak të kufizimeve të vendosura nga qeveria për të parandaluar përhapjen e koronavirusit, lojtarëve të Arsenalit iu është lejuar të stërvitin ndaras në fusha dhe me topa të sterilizuar.
Secili anëtar është dashur të udhëtoj vet dhe Emilio Martinez erdhi në kompleks me Ferrari, ndërsa pak më vonë është parë edhe mbrojtësi brazilian David Ruiz.
Alexander Lacazette ishte po ashtu në mesin e grupit të parë që erdhën në kompleks stërvitor, siç ishte edhe Hector Bellerin.
Ata kishin një fushë të veten, ku u stërvit në dhjetë fusha në kompleksin Colney.
Gjatë ditës do të ketë seancë stërvitore një orëshe, ku stafi mjekësor dhe i fitnesit janë në kontakt nga distanca dhe lojtarët e kanë të ndaluar të takohen me njëri-tjetrin.
Po ashtu secili ka pasur nga një top ë vetin, për të evituar ndonjë kontaminim nga topi.
Gjitha ndërtesat në kompleks mbesin të mbyllura, ndërsa lojtarët duhet të vijnë të veshur me uniforma dhe të bëjnë dush e të ndërrohen në shtëpi.
Ka pasur një pastrim të thellë në kompleksin stërvitor të Arsenalit. Kompleksi është hapur për herë të parë që kur trajneri i Arsenalit, Mikel Arteta rezultoi pozitiv me koronavirus.
Po ashtu janë kthyer në fushë stërvitore edhe lojtarët e Brightonit.
