Trajneri i Manchester Cityt, Pep Guardiola dhe tetë lojtarë të skuadrës së parë të Cityt mund të përballen me 14 ditë vetizolim të obligueshëm kur të rikthehen në Britani për vazhdimin e ndeshjeve, shkruan “The Times”.
Futbolli profesionist në Angli është suspenduar muajin e kaluar për shkak të koronavirusit, ndërsa masat kufizuese të qeverisë do të jenë në fuqi deri më 7 maj.
Premier League planifikon të vazhdojë garat në qershor, u lojtarëve të huaj dhe trajnerëve që kthehen në Angli do t’u kërkohet të qëndrojnë në vetizolim për dy javë si masë për të parandaluar përhapjen e koronavirusit.
Raportohet se së paku katër kryetrajnerët dhe lojtarë nga disa skuadra mund të preken.
Guardiola është në Spanjë pas vdekjes së nënës së tij muajin e kaluar. Ndrkohë tetë lojtarë tjerë të Cityt janë në shtetet e tyre të lindjes.
Kryetrajneri i Wolverhamptonit, Nuno Espirito Santo dhe stafi i tij i trajnerëve janë në Portugali, ndërsa edhe pesë lojtarë tjerë të klubit nuk janë në Angli.
Kryetrajneri i Norwich Cityt, Daniel Farke dhe ai i Southamptonit, Ralph Hasenhuettl, si dhe disa lojtarë të klubeve të tyre po ashtu nuk gjenden në Angli. Njëjtë është rasti edhe te Brightoni.
Sulmuesi i Tottenhamit, Son Heung-min ka nisur shërbimin e detyrueshëm trejavor ushtarak në Kore të Jugut më 20 prill.
Klubet e Premier Leagues do të mbajnë një video-konferencë të premten për të diskutuar për përfundimin e stinorit.
