Një vepër e re arti e artistit anglez Banksy është shfaqur në Spitalin e Përgjithshëm Southampton, në Britaninë e Madhe.
Piktura kryesisht bardhezi, një metër katror, u var në bashkëpunim me menaxherët e spitalit pranë dhomës së urgjencës.
Ajo tregon një djalë që gjunjëzohet pranë një shporte ku ka hedhur në kosh personazhet e superheronjve si Spiderman dhe Batmanduke mbajtur lart heroin e ri: një infermiere.
Krahu i infermieres është shtrirë dhe tregon përpara si në mënyrën e Supermenit, se është në një mision. E veshur me maskë dhe me veshje mjekësore, mbi të dallohet emblema e Kryqit të Kuq (elementi i vetëm me ngjyra në foto).
Vepra është një dhuratë e artistit për spitalin dhe shoqërohej me një pusullë ku shkruhej: “Faleminderit për gjithçka që po bëni. Shpresoj që kjo vepër të ndriçojë pak vendin, edhe pse është thjesht bardhezi”.
Piktura do të qëndrojë në Spitalin e Përgjithshëm të Southampton deri në vjeshtë, kur do të dalë në ankand për të mbledhur fonde për punonjësit e vijës të parë.
Banksy është një artist anglez anonim në fushën e graffiti-t, aktivist politik dhe drejtor filmash që prejt vitit 1990.
Veprat e tij janë plot me komente politike dhe elemente sociale dhe paraqiten kryesisht në rrugë, mure, dhe ura të qyteteve në të gjithë botën.
