Kur pastruesi José Zaragoza mbaroi punën e tij në një shtëpi, ai u befasua kur mësoi se do të merrte një bakshish prej 100 dollarësh në Venmo.
“Unë mendova’hej keni bërë një gabim’ – ju dërguat një zero shtesë,” por klienti i tha atij se do t’i jepte një bakshish të madh “për t’ju ndihmuar ju dhe familjen tuaj në këto periudha të vështira”.
Biznesi i Z. Zaragoza ka rënë në mënyrë dramatike që kur SHBA u godit nga pandemia e koronavirusit. Tani për tani, ai ka pasur vetëm një punë pastrimi në ditë, dhe duhet të marrë masa paraprake shtesë përfshirë veshjen e një mbulesë të plotë trupi, një maskë dhe doreza, dhe larjen e çdo pjese të pajisjeve të tij të pastrimit para se të fillojë punën.
Ai ka vërejtur që klientët e tij të rregullt po i japin më shumë bakshishe – diçka për të cilën ai është mirënjohës. “Shumë njerëz më japin ekuivalentin e një pune shtesë për një orë sepse ata e dinë që nuk kam shumë punë,” thotë ai, duke shtuar se bakshishet e kanë ndihmuar të paguajë qiranë.
Ka pasur raporte të ngjashme për bakshishe bujare – nganjëherë jashtëzakonisht bujare – në të gjithë SHBA, pasi shtetet po fillojnë të rihapen.
Në Austin, Teksas, një restorant u rihap më 30 Prill – dhe një klient la 1.300 dollarë për stafin si një bakshish “mirëseardhjeje”.
