Federata e Futbollit e Kosovës në Kuvendin e Rregullt të Punës, të mbajtur sot, mori vendim që nga stinori 2020/2021, Superliga të ketë vetëm 10 skuadra.
Delegatët e kuvendit e votuan njëzëri këtë propozim dhe një gjë e tillë erdhi për të rritur konkurrencën dhe cilësinë mes skuadrave garuese.
Nga sistemi aktual, dy skuadra do të eliminohen për t’iu përshtatur sistemit të ri nga vjeshta e vitit 2020.
“Të gjitha regjionet dhe të gjitha klubet kanë pranuar që të bëhet Superliga me 10 ekipe”, ka deklaruar për mediat pas Kuvendit, Agim Ademi, kryetar i FFK-së.
Në këtë Kuvend është vendosur që gruas së presidentit të ndjerë, Fadil Vokrri, t’i ndahet një pagë mujore për gjithë jetën, që do të marrë nga FFK-ja.
