Ish-deputeti i LSI-së, Petrit Vasili u shpreh në RTV Ora, se me arritjen e Reformës Zgjedhore, opozita fitoi barazinë.
“Më reformën zgjedhore, fitoi standardi, pasi nuk privilegjohet opozita. Çfarë mori opozita? Nuk mori asgjë.
Krijoi barazinë që votat të lexohen ashtu sikurse hidhe. Në këtë pikë nuk jemi optimistë, jemi të lumtur”, tha ai.
Vasili u shpreh se Rama e pranoi marrëveshjen nga presioni i ndërkombëtarëve.
“Nga Brukseli në Berlin Edi Rama ka pasur një bllok të pakapërcueshëm dhe i është thënë qartë se nëse bën këtë hap dhe bën si në 30 qershor, pasojat do të jenë nga më të rëndat dhe kanë të bëjnë me fatin politik të gjithë Shqipërisë. Dhe nga një presion opozitar në bllok”, tha Vasili.