Lista e vendeve që qeveria e Mbretërisë së Bashkuar i konsideron të sigurta për udhëtime nga Anglia përfshin disa vende që priteshin me padurim, siç janë Franca, Italia, Spanja dhe Gjermania.
Të tjera në listë janë vende që janë vlerësuar për aftësinë e tyre për të kontrolluar përhapjen e koronavirusit, të tilla si Koreja e Jugut dhe Vietnami. Por, ka gjithashtu disa përfshirje që mund të jenë befasuese – dhe disa lëshime të dukshme.
Turqia u la jashtë listës së sigurt të udhëtimit të Bashkimit Evropian, duke i zhgënjyer turqit. Por, që nga 10 korriku Turqia është në listën e udhëtimeve pa karantinë në Angli.
Po, ashtu në listë është edhe Greqia, e cila ka parë shumë pak infeksione. Kishte dyshime nëse do të shfaqej në listë pasi ajo nuk ka aprovuar fluturime direkte nga Britania e Madhe deri të paktën në mesin e korrikut.
Portugalia, ndërkohë, ka pasur më pak raste koronavirusi sesa disa destinacione evropiane për pushime dhe është e hapur për qytetarët e Britanisë së Madhe pa karantinë. Por, nuk është dhënë një korridor udhëtimi mes shqetësimeve për rritjen e niveleve të infeksionit.
Suedia është kombi tjetër i shquar evropian që duhet të hiqet: ajo ka pasur një qasje më të qetë ndaj kufizimeve të koronavirusit, dhe shkalla e infeksionit të saj është më e lartë se në Mbretërinë e Bashkuar.
Vende të tilla si SHBA dhe Brazili, të cilat po përjetojnë dhjetëra mijëra infeksione në ditë, pritej të mos mungonin.
Por, nuk ka gjithashtu një korridor udhëtimi me Kinën, e cila ka parë shumë pak raste të koronavirusit që kur shpërthimi i Wuhan u kontrollua. Udhëtarët nga Anglia do të jenë në gjendje të fluturojnë përsëri nga Hong Kongu ose Makau pa karantinë./BBC
