Edhe ambasadori i Britanisë së Madhe në Kosovë Nicholas Abbott, ka reaguar për tensionet e djeshme në Kuvend, ku deputeti i LDK-së Xhavit Ukaj, i është vërsulur kryeparlamentares Vjosa Osmani.
Abbott i ka quajtur shqetësuese skenat e djeshme të konfrontimit dhe agresionit në Kuvend.
Ambasadori Abbott, ka kërkuar nga politikanët të qëndrojnë të qetë dhe të mos lejojnë të ndizen tensionet.
“Shqetësuese për të parë skenat e konfrontimit fizik dhe agresionit dje në Kuvend. Tani, më shumë se kurrë, Kosovës i duhen përfaqësuesit e saj të zgjedhur që të qëndrojnë të qetë, të mos lejojnë që temperaturat të ndizen dhe të veprojnë në interesin kombëtar”, ka shkruar ai në një postim në Facebook.
