Juventusi e ka siguruar titullin e kampionit të Serisë A për të tetin sezon radhazi.
Këtë e arriti me tre pikët e fituara sot në stadiumin “Allianz”, në ndeshjen kundër Fiorentinës, e cila përfundoi me rezultat 2:1.
Me këtë titull Juventusi i gëzoi sot tifozët e klubit, që kishin mbetur të zhgënjyer nga dështimi i mesjavës, kur u eliminuan nga Liga e Kampionëve, pas disfatës tronditëse kundër Ajaxit në shtëpi.
Kjo do të jetë kupa e parë e artë e Serisë A për Cristiano Ronaldon, i cili ishte vendimtar në fitoren e sotme.
