Trajneri i Leipzigut, Julian Nagelsmann, ka paralajmëruar se skuadra e tij do të ketë një “plan” edhe për Paris Saint-Germainin në gjysmëfinale të Ligës së Kampionëve, pak pasi eliminoi Atletico Madridin në çerekfinale.
Skuadra e Bundesligës gjermane fitoi 2-1 ndaj spanjollëve për të siguruar gjysmëfinalen ku do të takohet me kampionin francez.
“Është normale që kur të kaloni në raundin tjetër, ju dëshironi edhe më shumë. Jemi të lumtur, nesër do të shohim kah Parisi. Do të jetë tjetër ndeshje e vështirë, por do të kemi një plan”, ka thënë 33-vjeçari pas takimit.
Gjysmëfinalja Leipzig-PSG zhvillohet më 18 gusht.