Prej ditësh në pikën kufitare Kakavijë vijon një situatë kaotike torturuese për qytetarët të cilët presin në rradhë për të kaluar në shtetin fqinj.
Por, pala greke dje lajmëroi se do të vijojë punën edhe gjatë natës, për shkak të rradhës së gjatë me qytetarë që është krijuar.
Kësisoj nga ora 00:00 e natës deri në 06:00 të mëngjesit, kanë kaluar 700 qytetarë dhe 300 makina.
Rradha tanimë vazhdon deri në fshatin Zervat, por puna gjatë natës ka ndihmuar në kalimin e shumë qytetarëve që kanë pritur me netë të të tëra jashtë për të kaluar.
Nuk dihet si do shkojë situata gjatë ditës së sotme, pasi kujtojmë që ka një rradhë të gjatë qytetarësh.
