Policia e Letonisë sekuestroi sot në Koknese mbi dy tonë kokainë, që ishte me origjinë nga Ekuadori, që wshtw një sasi rekord e kapur në këtë shtet balltik.
Kreu i policisë kriminale letone, Andrejs Grisins u shpreh në një prononcim për median se ngarkesa me kokainë me siguri kishte një tjetër destinacion, me shumë gjasa për trafikantët e paligjshëm të drogës në Skandinavi.
”Konfiskuam 2195 paketime që përmbanin 80% kokainë të pastër, të ambalazhuara në 42 arka banane”, shtoi ai, transmeton ATSH.
“Çmimi i sasisë së kokainës është rreth 30.000 euro kilogrami. Trafikantët e drogës kanë humbur deri në 65 milionë euro, por nëse vlera e mallit do t’i dorëzohej porositësit, mund të arrinte ndoshta edhe një miliard euro”, thekson Grisins.
Pesë shtetas letonë u ndaluan gjatë kontrollit. Ata rrezikojnë të dënohen deri në 15 vite burg./KosovaPress/
