Shtetet e Bashkuara të Amerikës janë duke pritur për një marrëveshje gjithëpërfshirëse midis Serbisë dhe Kosovës dhe do të përpiqen ta arrijnë atë në takimin në 4 shtator, ka thënë James Kerry Lindsey, profesor në Shkollën e Mjekësisë në Londër.
VOA: Si i komentoni përpjekjet e Shtëpisë së Bardhë për të organizuar një takim me përfaqësuesit e Serbisë dhe Kosovës për të arritur një marrëveshje ekonomike?
Ker Lindsey: Ka disa arsye për këtë, të cilat janë të ndërlidhura. Dhe për disa arsye, Trump mezi pret të trajtojë suksesin e tij në të ardhmen, por për hir të qeverisë, ai do të marrë masa. Unë mendoj se ai po shkon keq në sondazhe dhe i duhet kjo marrëveshje.
VOA: A besoni se do të ketë marrëveshje konkrete më 4 shtator në Uashington?
Ker Lindsey: Të dy palët po dërgojnë mesazhe të ndryshme në lidhje me të. Në Beograd, është e rëndësishme të flasim për ekonomi, dhe më interesante, Grenell tha pikërisht këtë – që do të ishte një hap prapa. Ndër këndvështrimet e kryeministrit të Kosovës Hoti, tema është marrëveshja e madhe politike. Më duket se edhe Shtetet e Bashkuara do të donin pikërisht këtë. Marrëveshj ekonomike është e mirë, por nuk tingëllon arritje e madhe, andaj unë mendoj se votuesit në Amerikë do të reagonin në mënyrë indiferente reth këtij lajmi, ata do të pyesnin se ku janë Kosova dhe Serbia në përgjithësi. Mesazhi se ekziston një problem në Ballkan dhe është zgjidhur në lidershipin e Amerikës, kjo do të ishte diçka që kërkohet.
VOA: Por, në realitet, a do të arrihet një marrëveshje ekonomike? Sepse, sic thoni ju, ata kanë biseduar për gjëra të ndryshme?
Ker Lindsay: Është interesante se si një nga arsyet e takimit të cilin edhe Trump mund të jetë pjesë e tij, mund të ndodhë që ata ë pranojnë një marrëveshje ekonomike, sepse diçka është më mirë se asjgë. Amerikanët do të donin të arrinin një marrëveshje finale. Amerikanët do t’i thonë Vuciqit se ai është në pozitën më të fortë dhe tash është koha të arrihet një marrëveshje me Kosovën, dhe ata do t’i jenë mirënjohës nëse kjo do të ndodhte. Ai shkon të flasë për ekonominë, por ndoshta ata do t’i thonë atij, le të nënshkruajmë marrëveshjen e madhe pikërisht këtu.
VOA: Nëse thoni se Vuciqit do t’i bëhet presion nga Amerika që të nënshkruaj marrëveshjen finale dhe ai nuk njeh pavarësinë e Kosovës, dhe kryeministri i Kosovës thotë se kjo është gjëja e vetme për të cilën janë të interesuar, çka do të ndodhte në Uashington?
Ker LIndsey: Njohja reciproke është qëllimi final. Që të jemi të sinqertë, Serbia ka luajtur një politikë shumë diplomatike, ka menaxhuar që ta pamundësoje anëtarësimin e Kosovës në Kombet e Bashkuara. Beogradi po hyn në këto negociata nga një pozicion i fortë, por kjo nuk do të thotë se nuk do të kthehet situata ndryshe dhe të arrihet një marrëveshje që i lejon Kosovës autonomi. Mendoj se mesazhi i Evropës dhe i Amerikës është ky: Ju keni arritur të menaxhoni që Kosovë të mos njihet ndërkombëtarisht, por problemi ekziston ende. Ju keni një mundësi aktualisht që të arrini një marrëveshje që është e mirë edhe për juve. Është lëvizja e duhur.
VOA: A mendoni se do të ketë shkëmbim territoresh?
Ker Lindsay: Grenell thotë se kjo temë nuk është diskutuar, por ne e dimë se kjo temë ka qenë në tavolinë. Në Evropë ka shtete që mund të jetonin me këso zgjidhje, edhe pse nuk do të ishin pro tyre.
VOA: Nëse thoni se Brukseli dhe Uashingtoni janë duke garuar, kush ka shanset më të mira për të arritur një marrëveshje?
Kerr Lindsey: Amerika po garon me kohën. Nëse Biden fiton, gjë që duket e mundshme, me gjasë që ai do t’i kthehet politikës amerikane tradicionale dhe t’ia lë çështjen e Kosovës evropianëve. Serbia mund të vazhdojë me këtë avaz sepse nuk e kanë për ngut, megjithatë në fund do të jetë një vendim i vështirë për ta. Por për Kosovës, pritja është e dhimbshme sepse ata janë të izoluar dhe mendoj se ata donë një marrëveshje. SHBA’ja aktualisht është në një pozicion më të mirë, por nëse asgjë nuk ndodh tash, gjithçka do t’i dorëzohet Evropës, që në opinionin tim, nuk është në interesin e askujt. Unë nuk besoj se Gjermania do të ndryshojë pozicion, por nëse Kosova dhe Serbia arrijnë marrëveshje nën kujdesin e Amerikës, Gjermania nuk do të dyshonte në të.
