Franca ka regjistruar të enjten 47.637 raste të reja me koronavirus në 24 orët e fundit, krahasuar me 36.437 sa i regjistroi një ditë më parë, raporton Reuters.
Shifra e rasteve të reja është më e ulët se e rekordit ditor që e regjistroi të dielën – 52.010 raste.
Numri total i të infektuarve në Francë ka arritur në mbi 1.28 milionë. Numri i të vdekurve është rritur për 235, duke çuar totalin në 36.020.
Momentalisht në spitale për COVID-19 janë 21.183 pacientë, krahasuar me më tepër se 32 mijë sa ishin në prill. Numri i personave në intensive është rritur për 111, duke çuar shifrën në 3.156.
Franca do të futet në mbyllje njëmujore duke nisur nga e premtja.
