Manchester United humbi sonte në Stamboll nga Instanbul Basaksehir. Këtë nuk e shfrytëzoi PSG për të marrë primatin në Grupin H. Fitorja e Leipzig dhe Basaksehir ka bërë që lufta për kalim tutje në këtë grup të jetë edhe më interesant
Leipzig e ka mundur sot në Red Bull Arena në Leipzig nënkampionin e Europës, Paris Saint-Germain.
Francezët e filluan shumë mirë këtë takim ku shënuan gol që në minutën e 5-të të ndeshjes me anë të Angel Di Maria.
Di Maria pati mundësinë që të shënonte përsëri për PSG por nuk e bëri këtë pasi që në minutën e 16 penalltinë e akorduar për francezët nuk arriti që ta shndërroi në gol.
Vendasit do të reagonin dhe do ta barazonin rezultatin në minutën e 42-të të ndeshjes me anë të Nkuku.
Në pjesën e dytë vendasit ishin më të mirë dhe vazhdimisht kërkonin golin e epërsisë. Këtë do ta arrinin në minutën e 57-të pasi që nga penalltia do të shënonte Forsberg.
PSG filloi që të sulmonte dhe kërkonte golin e barazimit por gjërat u vështirësuan shumë për ta kur në minutën e 69-të me të kuq nga ndeshja u përjashtua Idrissa Gueye.
Edhe më shumë PSG do të dëmtohej në minutat shtesë të ndeshjes kur Kimpende po ashtu do të ndëshkohej me të kuq.
Kujtojmë se në këtë ndeshje për PSG munguan dyshja e rrezikshme sulmuese Mbappe dhe Neymar, që munguan shkaku i lëndimeve.
Pas kësaj fitoreje, Leipzig është në vendin e dytë me 6 pikë, aq sa ka Manchester United në vendin e parë e që humbi sot në Stamboll nga Basaksehir.
