Në orën 04:54 minuta Maqedonia e Veriut u godit nga një tërmet me intensitet 5.5 ballë, sipas shkallës së Rihterit. Epiqendra e tërmetit ishte në fshatin Leunovo të Mavrovës, 17 kilometra në jugperëndim të Gostivarit. Tërmeti kishte thellësinë 10 km.
Lëkundjet e tërmetit të fuqishëm u ndien edhe në disa qytete të Kosovës si në Kaçanik, Ferizaj, Gjilan dhe Prishtinë.
Dridhjet e fuqishme raportohet të jenë ndier edhe në rajonin e Tetovës, Gostivarit, Shkupit.
Deri më tani, sipas raportimit të mediave atje, nuk ka dëme në njerëz dhe dëme materiale.
