Këngëtarja shqiptare me famë ndërkombëtare, Dua Lipa, po vazhdon të shijojë suksese të shumta në tregun internacional të muzikës.
Aktualisht, ajo ka dy këngë në top listën e 10 këngëve më të mira të momentit në Mbretërinë e Bashkuar.
Bëhet fjalë për këngën e saj solo “Levitating” dhe duetin me Miley Cyrus, “Prisoner”.
Për suksesin me këto dy këngë, ajo i falënderoi fansat përmes një postimi në Instagram, duke e quajtur “forca e femrës”, fakti që ajo dhe Miley po shënojnë suksese të tilla në top listat muzikore.
“Dy këngë në Top 10 në Mbretërinë e Bashkuar! ‘Levitating’ dhe ‘Prisoner’. Faleminderit për gjithë dashurinë, fuqia e vajzave, le të shkojmë”, ka shkruar LIpa në Instagram, teksa ka publikuar një fotografi me Mileyn.
Suksesi i Duas po dëshmohet edhe në vlerësimet e mbrëmjeve të mëdha muzikore, pasi ajo ka marrë plot gjashtë nominime për “Grammy Awards 2021”.
