Zëdhënësi i Komisionit Evropian Peter Stano tha se do të ishte mirë të shihen njoftime nga të dy palët të përkthyera në “veprime dhe negociata konkrete”
Rifillimi i bisedimeve kërkimore midis Turqisë dhe Greqisë, të vendosura të fillojnë më 25 janar, duhet të përqendrohen në nevojën për të zgjidhur çështjet bilaterale në tryezën e bisedimeve, tha sot Bashkimi Evropian (BE).
Zëdhënësi i Komisionit Evropian Peter Stano në një konferencë të përditshme për shtyp në Bruksel tha se do të ishte mirë të shihen njoftime nga të dy palët të përkthyera në “veprime dhe negociata konkrete”.
“Po diskutonim tashmë se sa e rëndësishme është për Turqinë të sillet në mënyrë konstruktive ndaj vendeve anëtare të BE-së, sepse BE-ja ka theksuar në shumë raste solidaritetin e saj me Greqinë, me Qipron (Administrata Qipriote Greke) dhe gjithashtu ka theksuar theksoi nevojën për të zgjidhur të gjitha çështje bilaterale”, tha Stano.
Duke përmendur që blloku qëndron me Athinën për këtë çështje, ai theksoi “nevojën për të zgjidhur të gjitha çështjet që janë midis Greqisë dhe Turqisë, prapa tryezës së negociatave”.
Zyrtarët turq kanë kritikuar përpjekjet greke për t’i kthyer çështjet bilaterale në çështje Turqi-BE, duke theksuar gatishmërinë e Ankarasë për t’u ulur në tryezën e bisedimeve me Athinën për të zgjidhur mosmarrëveshjet e tyre përmes dialogut.
Siç u njoftua të hënën, Greqia dhe Turqia më 25 janar do të rinisin bisedimet hulumtuese në Stamboll pas tensioneve të fundit në Mesdheun Lindor.
Bisedimet e fundit, të cilat filluan në vitin 2002, u zhvilluan në Athinë në mars të vitit 2016.
Më pas, bisedimet dypalëshe vazhduan në formën e konsultave politike por nuk u kthyen në një kornizë.
Çështja e të drejtave të energjisë dhe kufijve detarë janë vendosur të dominojnë në bisedimet turko-greke.
Turqia, e cila ka vijën bregdetare më të gjatë kontinentale në Mesdheun Lindor, ka hedhur poshtë pretendimet kufitare detare të Greqisë dhe Administratës Greke Qipriote në rajon, duke theksuar se këto pretendime të tepërta shkelin të drejtat sovrane të Turqisë dhe turqve qipriotë.
Ankaraja vitin e kaluar dërgoi disa anije për të kërkuar energji në Mesdheun Lindor, duke pohuar të drejtat e saj në rajon, si dhe ato të Republikës Turke të Qipros Veriore.
Udhëheqësit turq kanë theksuar vazhdimisht se Ankaraja është në favor të zgjidhjes së të gjitha problemeve të pazgjidhura në rajon përmes ligjit ndërkombëtar, marrëdhënieve të fqinjësisë së mirë, dialogut dhe negociatave.
