Banorët e fshatit Lëtem në Librazhd prej kohësh kanë mgritur shqetësimin e rruges dhe kërkojnë një fadromë të pastrojë rrugën dhe ta zgjeroje ku janë pikat më të rrezikshëme dhe burim aksidenti. Rruga është 1.5 km dhe pjesa më e madhe eshte hapur me mjete private të paguara nga vete banorë.
Banorët kerkojne edhe disa tubina pasi ujerat nga rreshjet dhe disa perrenj ujembledhes bashkohen ne nje perrua te vetem, pra gjithe prurjet grumbullohen ne shtratin e perroit ku dhe kalon rruga per ne lagjen lalaj. Prurjet e medha te ujit nuk percillen nga tubinat me diameter te vogel por kalojne mbi to dhe rrembejne gjithe uren. Pas rreshjeve të ditëve të fundit situata është përsëritur.
Banorët e fshatit Lëtem në Librazhd kanë gjetur këtë shteg për të zbritur në rrugën nacionale.
Janë 3 km që banorët duhet ti bëjnë në këmbë për të çuar fëmijët në shkollë apo të marrë shërbime të tjera të nevojshme.
Rruga që lidh fshatin me njësinë administrative Lunik është shembur nga reshjet e ditëve të fundit.
“Jemi të izoluar fëmijët nuk shkojnë dot në shkollë. Edhe në këmbë është shumë e vështirë”, ka thënë një banor.
Një tjetër banor bën me dije se kanë shkuar në bashki por sërish nuk kanë marrë asnjë zgjidhje.
“Kemi shkuar ne bashki. Prej 30 vjetësh nuk ka vënë dorë njeri. Një karrocë dore të kishin sjelle do ia dinim për faleminderit”, shkrehet një tjetër banor.
Kanë ndërhyrë, por edhe ajo nuk ka dhënë rezultat. Në këtë fshat 13 km larg qytetit të Librazhdit jetojnë rreth 25 familje.
