Duket se vaksinat e para që do të arrijnë në Maqedoninë e Veriut do të jenë nga Kina. Nesër Qeveria do të nënshkruajë marrëveshje për furnizimin e 200 mijë dozave, për të cilat tashmë është bërë plani se si do të shpërndahen, para së gjithash për grupet në rrezik. Ministri I Shëndetësisë Venko Filipçe siguron se të gjitha vaksinat janë të sigurta. Javën e ardhshme do të publikohet ueb-faqja ku qytetarët mund të aplikojnë për t`u vaksinuar.
Nesër, Maqedonia e Veriut do të nënshkruajë marrëveshjen e furnizimit me 200 mijë vaksina kineze, që do të mjaftojnë për 100 mijë qytetarë. Vaksinat nga Kina do të distribuohen në punktet e vaksinimit, për shkak se ruhen në temperaturë nga 2 deri 8 gradë celsius, kushte këto që plotësohen nga Shtëpitë e Shëndetit në vend. Edhe pse nuk dihet saktësisht se kur do të fillojë, procesi i imunizimit do të zhvillohet në disa faza, varësisht moshës, rrezikut dhe situatës shëndetësore të qytetarëve.
VENKO FILIPÇE – MINISTËR I SHËNDETËSISË
“Në grupin e parë janë punonjësit shëndetësor që punojnë me covid-pacientët, spitalet klinike, institucionet publike shëndetësore, spitalet private, institucionet e vecanta sic janë azilet e pleqve, mjekët amë, personeli nëpër laboratoret e testimit, punonjësit shëndetësor në punktet e vaksinimit. Në grupin e dytë të prioritetit, mundësi vaksinimi do të kenë qytetarët mbi 70 vjec”
Ashtu sic do të arrijnë vaksinat, do të bëhet edhe imunizimi I grupeve tjera, të moshës mbi 60 vjec, nga 18 deri 64 me sëmundje shoqëruese, farmaceutët, stomatologët, gazetarët, punonjësit e arsimit dhe qytetarët tjerë me rrezik më të ulët. Në baza ditore planifikohet të vaksinohen nga 2.000 deri 2.500 persona, të cilët përmes mjekut amë do të sigurojnë terminet. Nga java e ardhshme, qytetarët do të mund të aplikojnë edhe përmes një ueb-faqeje të vecantë.
ZHAKLINA ÇAGAROVSKA – SISTEMI KOMBËTAR “TERMINI IM”
“Do të mund të fillojmë me paraqitjen, me cka të dhënat sapo të hyjnë në ueb-faqe, automatikisht do t`u kthehet përgjigja se është pranuar aplikimi dhe të presin se varësisht grupit që I takojnë, të thirren nga mjeku amë për terminin e vaksinimit”.
Ministri Filipçe siguron se të gjitha vaksinat janë të sigurta dhe shpreson se deri në muajin Mars do të arrijë sasia e porositur e vaksinave nga AstraZeneka, më 80.000 dozat nga mekanizmi “Kovaks” si dhe donacioni serb të vaksinave nga “Fajzer”. Ai tha se do të injektohet me vaksinën e parë që do të arrijë në vend.
VENKO FILIPÇE – MINISTËR I SHËNDETËSISË
“Nuk rezerva ndaj asnjërës vaksinë. Do të vaksinohesha me atë të parën që do të arrijë në vend, konkretisht me vaksinën kineze”.
Për momentin nuk ka një përgjigje, se cfarë opsione do të kenë qytetarët nëse do të dëshirojnë të zgjedhin vaksinën nga prodhues të vecantë e duke I refuzuar të tjerët.
