Një atentat me armë zjarri është shënuar mbrëmjen e të enjtes në Sarandë. Ngjarja ka ndodhur në zonën e Gjashtë, ku si pasojë ka mbetur i vrarë Rexhep Ismaili, pronar i një karburanti në qytet.
Sipas informacioneve paraprake, viktima dyshohet se është qëlluar me armë zjarri dhe ka marrë një plumb në kokë, plagë që i ka shkaktuar vdekjen.
Menjëherë pas ngjarjes, në vendin e atentatit kanë mbërritur forca të shumta policie, të cilat kanë rrethuar zonën dhe kanë nisur hetimet për zbardhjen e plotë të rrethanave.
Deri më tani nuk ka informacion zyrtar mbi autorët apo motivet e ngjarjes, ndërsa grupi hetimor po punon për identifikimin dhe kapjen e tyre
