Kryetari i Partisë Demokratike, Lulëzim Basha ka vizituar banorët e prekur nga tërmeti në Laç.
Siç njofton PD, kryetari Basha ndodhet ne Laç, ku ka me qindra banesa të dëmtuara rëndë nga tërmeti. Pranë gjimnazit të qytetit janë ngritur disa çadra, por janë të pamjaftueshme.
Banorët i kanë treguar Bashës se nuk kanë vëmendjen e autoriteteve për të vlerësuar sigurinë e banesave. Nuk ka shkuar asnjë specialist për t’i parë ato, megjithëse ka shumë ankesa në Bashki.
Basha kërkoi shpalljen e gjendjes së fatkeqësisë natyrore edhe në Bashkinë e Laçit, përveç Qarkut të Tiranës dhe Durrësit.
