Ministri i shëndetësisë i Gjermanisë Jens Spahn dha reagimin e parë të qartë evropian ndaj njoftimit të Presidentit Trump, duke e quajtur atë një reagim zhgënjyes për shëndetin ndërkombëtar.
Ky reagim i fundit vjen nga shefi i çështjeve të jashtme të BE-së, Josep Borell dhe shefi i ekzekutivit të BE-së, Presidenti i Komisionit Ursula von der Leyen.
Në deklaratën e tyre, ata thonë në 19 maj të gjitha vendet anëtare të OBSH-së ranë dakord të fillojnë “në momentin e duhur” një përmbledhje të plotë të përgjigjes shëndetësore ndërkombëtare ndaj virusit.
“Vlerësimi i përgjigjes sonë globale është i domosdoshëm pasi ka mësime që duhet të mësohen nga kjo pandemi, shpërthimi dhe përgjigja ndaj saj … vlerësimi i performancës sonë kolektive në nivelin ndërkombëtar është vetëm një proces i nevojshëm, duke synuar forcimin e sigurisë shëndetësore.”
Më pas në deklaratë thuhet: “OBSH ka nevojë të vazhdojë të jetë në gjendje të drejtojë reagimin ndërkombëtar ndaj pandemive, aktuale dhe të ardhshme. Për këtë, është shumë e nevojshme pjesëmarrja dhe mbështetja e të gjithëve.”
“Përballë këtij kërcënimi global, tani është koha për bashkëpunim të zgjeruar dhe zgjidhje të përbashkëta. Duhet të shmangen veprimet që dobësojnë rezultatet ndërkombëtare. Në këtë kontekst, ne i nxisim SHBA që të rishqyrtojë vendimin e tij të shpallur.”/BBC
