Presidenti Ilir Meta përshëndeti miratimin nga Kuyvendi të dekretit të tij “Për kthimin e ligjit nr. 14/2020 “Për një shtesë në ligjin nr. 8577, datë 10.2.2000, “Për organizimin dhe funksionimin e Gjykatës Kushtetuese”, të ndryshuar””, i cili mori 91 vota pro, 10 kundër dhe 10 abstenim.
Votimi i këtij dekreti sipas Metës tregoi qartë se mazhoranca u detyrua të pranojë fuqinë e popullit të cilit i përket sovraniteti në Republikën e Shqipërisë.
Në raportimin e përjavshëm para medias,Presidenti tha se nisma ligjore e njëanshme e kuvendit për të ndryshuar formatin e betimit ishte antikushtetuese dhe e dyshimtë dhe u provua se ishte vetëm një tendencë për të ozurpuar me një ligj antikushtetues kompetencat e presidentit por edhe vetë gjykatën kushtetuese.
Deklarata e Metës:
Dua të tërheq vëmendjen tuaj te dy akte të rëndësishme që Kuvendi ka miratuar dje, një në një drejtim mjaft pozitiv dhe një në drejtim shumë negativ dhe në kunërshtim me drejtimin e parë.Dje Kuvevndi ka miratuar dekretin e Presidentit për kthimin për rishqyrtim në kuvend të ligjit për një shtesë në ligjin për organizimin dhe funksionimin e gjykatës kushtetuese, të ndryshuar. Ky është ai dekret që pata kënaqësinë dhe përgjegjësinë ta nënshkruarj para sovranit në manifestimin e 2 marsit. Ky dekret dhe nisma e presidentit për mbrojtjen e Kushtetutës, vlerave themelore demokratike gjeti një mbështetje mjaft të gjerë popullore.Pranimi i këtij dekreti nga kuvendi tregon qartë se mazhoranca u detyrua të pranojë fuqinë e popullit të cilit i përket sovraniteti në Republikën e Shqipërisë. Përshëndes Komisionin e Venecias që e bëri të ditur ndërkombëtarisht të vërtetën se presidenti kishte të drejtë në gjithë veprimtarinë e tij në procesin e emërimit të gjykatës kushtetuese. Venecia konfirmoi se betimi i gjyqtarit kushtues do të duhet të bëhet vetëm para presidentit dhe askund tjetër dhe se nisma ligjore e njëanshme e kuvendit për të ndryshuar formatin e betimit ishte antikushtetuese dhe e dyshimtë. U provua qartë se kjo nismë ligjore ishte vetëm një tendencë për të ozurpuar me një ligj antikushtetues kompetencat e presidentit por edhe vetë gjykatën kushtetuese.
