Athletic Bilbao me përmbysje të rezultatit e ka eliminuar Atletico Madridin nga Superkupa e Spanjës të enjten në mbrëmje.
Bilbao fitoi me rezultatin 2:1 dhe tani do të luajë kundër Real Madridit në finale të kësaj gare, si dhe e synon ta përsëris suksesin e vitit të kaluar.
Në ndeshjen që u zhvillua në “King Fahd International Stadium” të Riyadhit, i pari që kaloi në epërsi ishte Atletico Madridi, nëpërmjet autogolit të portierit Unai Simon.
Barazimi i rezultatit erdhi në minutën e 77-të. Iker Muniain harkoi bukur për Yerai Alvarez që shënoiu me kokë.
Katër minuta më vonë, ishte Nico Ëilliams vulosi çështjen e fituesit.
Atletico mbeti me një futbollist më pak në fushë në minutën e katërt të kohës shtesë. Jose Maria Gimenez shkaktoi ndërhyrje të palejuar dhe u përjashtua nga loja.
Finalja e Superkupës së Spanjës do të zhvillohet më 16 janar në stadiumin “King Abdullah Sports City”.
