Ish-ministri i Jashtëm i Suedisë, Carl Bildt, pas protestës së dhunshme në veri, ka thënë se kjo që ka ndodhur, është më e keqja që është parë në Kosovë për shumë vite.
Në një shkrim në Twitter, Bildt tha se militantët serbë në veri Kosovës sulmojnë forcat e NATO-s duke plagosur dhjetra prej tyre.
“Cikli i përshkallëzimit të situatës duhet të ndalet sa më shpejt”, shkroi ai.
Ndaj veprimeve të dhunshme pati reagime edhe nga NATO dhe shtetet e tjera.
NATO u ka bërë thirrje të gjitha palëve që të marrin masa në de-përshkallëzimin e situatës kritikee.
“NATO dënon fuqishëm sulmet e paprovokuara kundër trupave të KFOR-it në veri të Kosovës, të cilat kanë çuar në plagosjen e një numri prej tyre. Sulme të tilla janë krejtësisht të papranueshme. Dhuna duhet të ndalet menjëherë”.
Ndërsa, sipas konfirmimit zyrtar të KFOR-it në Kosovë, gjatë përplasjes me protestues, 25 pjestarë të forcave paqeruajtëse janë plagosur, disa nga ta ndodhen në gjendje të rëndë.
