Ish-deputeti britanik Mike Amesbury është ndjerë i turpëruar pas një sulmi fizik që kreu ndaj një qytetari ndërsa ndodhej në gjendje të dehur, një veprim që e çoi atë pas hekurave për 10 javë.
Amesbury, i cili përfaqësonte zonën e Runcorn dhe Helsby, dha dorëheqjen më 17 mars, disa javë pasi pranoi fajësinë për agresionin. Sipas dëshmive të dhëna në gjykatë, ai e goditi viktimën në kokë, e rrëzoi përtokë dhe më pas e sulmoi edhe pesë herë të tjera, derisa kalimtarët ndërhynë për të ndaluar agresionin.
Viktima pësoi lëndime të lehta, përfshirë plagë në kokë dhe në gjymtyrë. Në një intervistë për BBC Radio 4, Amesbury përshkroi përvojën e tij në burg si “një makth” dhe një përvojë “surreale”, duke e krahasuar me një ndjesi jashtë trupit të tij.
Pas dorëheqjes së tij, u zhvilluan zgjedhje të pjesshme në zonën që ai përfaqësonte, të cilat përfunduan me një rezultat dramatik. Partia Reform UK fitoi me vetëm gjashtë vota diferencë, duke ia marrë vendin Partisë Laburiste pas një rinumërimi të tensionuar që përfundoi të premten.
Rasti i Amesbury-t ka shkaktuar debat të gjerë në opinionin publik për sjelljen dhe përgjegjësinë e përfaqësuesve të zgjedhur në Britani.
