Mbrëteria e Bashkuar ka nxjerrë një legjislacion të ri, të rreptë, për klubet angleze të futbollit. Ligji ka të bëjë edhe me personat që blejnë klubet, por edhe mënyrën se si do i drejtojnë ato.
Rregullatori i ri i pavarur gjithashtu mund t’i hedh në erë planet e një Super League Evropiane një herë e përgjithmonë.
E ashtuquajtura “Letra e Bardhë e Futbollit” ende nuk është publikuar, por thuhet se është parë paraprakisht nga gazeta “The Sun” dhe do të shkaktojë një ndryshim i madh në mënyrën se si blihen dhe menaxhohen klubet.
Rregullat e reja do të zbatojnë rregulla më të ashpra se kush mund të zotërojë klube futbolli dhe do të sigurojë që vetëm “kujdestarët e përshtatshëm” mund të marrin përsipër klube.
Është një përpjekje për të parandaluar multimilionerët të cilët nuk mund të provojnë burimin e pasurisë së tyre dhe që e kanë ndërtuar pasurinë e tyre në mënyrë legjitime.
“The Sun” gjithashtu raporton se legjislacioni do t’i ndalojë “klubet e pangopura” të bashkohen në garat e shkëputura si Super League Evropiane.
Planet e Super League u shfaqën fillimisht në vitin 2021 me disa klube të mëdha të Premier League të përfshira, por ata dhe gjigantë të tjerë kryesorë evropianë u tërhoqën pas protestave të përhapura.
Real Madrid, Barcelona dhe Juventus janë ndër klubet elitare evropiane që ende dëshirojnë të ringjallin planet. Reforma do të ndalojë gjithashtu pronarët e klubeve që të ndryshojnë fanellat dhe logot.
“Letra e Bardhë” gjithashtu do t’u japë tifozëve më shumë peshë për mënyrën se si drejtohen klubet.
Qeveria e Mbretërisë së Bashkuar do të ketë fuqinë për të ndërhyrë nëse liga angleze e futbollit nuk është e kënaqur me sasinë e të ardhurave nga të drejtat televizive.
Kuptohet që EFL dhe klubet e saj mbeten të frustruar nga mungesa e progresit në bisedimet me Premier League për një “marrëveshje të re për futbollin”.
Ndërkohë, të gjitha klubet në top pesë ligat e futbollit anglez do të duhet të fitojnë një licencë të re për të luajtur sipas propozimeve.
Pretendohet se “Letra e Bardhë” do të nënshkruhet nga Kabineti së shpejti, me synimin që të vendosen rregulloret e reja për sezonin 2024-25.
Kujtojmë që Premier League është cilësuar si një nga motorët pozitiv të ekonomisë së Britanisë së Madhe. Kontributi i ligës sipas raportit të “EY” në ekonominë e Mbretërisë së Bashkuar për sezonin 2019-20 ishte në shifrën e 7.6 miliardë paundësh.
