Sipas firmës së pasurive të paluajtshme me qendër në SHBA, CBRE, qeratë mesatare për apartamente në Dubai u rritën me 21.2 për qind në të njëjtën periudhë, ndërsa qiratë e vilave u rritën mesatarisht 24.7 për qind.
Qiratë mesatare në 12 muajt deri në qershor të këtij viti janë rritur me 21.7 për qind në Dubai, pasi çmimet e pasurive të paluajtshme kanë një rritje të moderuar në muajt e fundit.
Sipas firmës së pasurive të paluajtshme me qendër në SHBA, CBRE, qiratë mesatare për apartamente u rritën me 21.2 për qind në të njëjtën periudhë, ndërsa qiratë e vilave u rritën mesatarisht 24.7 për qind.
Qiraja mesatare e apartamenteve dhe vilave ishte përkatësisht 85,294 AED dhe 255,437 AED në vit.
Apartamentet me qira më të shtrenjtë janë në Palm Jumeirah, ku qiratë mesatare të kërkuara ishin 218,413 AED në vit. Vilat Al Barari zunë vendin e parë ku qiratë e kërkuara ishin rreth 889,225 AED në një vit.
‘Ndërsa ritmi i rritjes së çmimeve është ulur me 10.1 për qind deri në qershor 2022, ritmi i rritjes së qirave vazhdon të përshpejtohet, ku qiratë u rritën me 21.6 për qind në të njëjtën periudhë. Qiratë, mesatarisht, po rriten me ritmin më të shpejtë që nga mesi i vitit 2014, ‘tha Taimur Khan, drejtuesi i zyrës së CBRE, në Lindjen e Mesme.
Këto shifra kanë ardhur pasi numri i transaksioneve të pasurive të paluajtshme në Dubai është rritur me 33.3 për qind më shumë, se një vit më parë.
Këto janë shifrat më të larta që nga viti 2009.
