Ka filluar protesta e opozitës në Tiranë, me kërkesë për largimin e kryeministrit Edi Rama.
Në sheshin para kryeministrisë është vendosur një shtatore prej druri, ku Rama duket si Enver Hoxha. Ajo do të rrëzohet në mënyrë simbolike gjate protestës.
Protestës ia janë bashkuar liderët e opozitës, ai i PD-së, Lulzim Basha, i cili është i shoqëruar nga gruaja e tij dhe vajzat e mitura.
Kurse liderja e LSI-së, Monika Kryemadhi tha për media se të dielën nuk do të ketë zgjedhje.
Ajo ka deklaruar se heshtja e ndërkombëtarëve për 30 qershorin, është mbështetja më e madhe që u jepet shqiptarëve.
