Pacientët e rikuperuar nga Covid-19 po dhurojnë mostra gjaku për të ndihmuar të tjerët. Ndërsa kompanitë bioteknike po e shesin gjakun me çmim shumë të lartë.
Disa kompani bioteknike po fitojnë para në garën për të prodhuar teste të antitrupave kundër koronavirusit, duke marrë mostra gjaku nga njerëz që janë infektuar me koronavirus dhe duke i shitur ato me çmime të larta.
Njerëzit që e japin gjakun e tyre për të ndihmuar në luftën kundër Covid-19 mund të mos e dijnë që po kompanitë po korrin fitime të tilla.
Dokumentet dhe listat e çmimeve të marra nga New York Times tregojnë se disa kompani në të gjithë botën po ofrojnë të shesin mostra gjaku me Covid-19 atyre që u ofrojnë çmimin më të lartë.
Njëra është Cantor BioConnect në Kaliforni, e cila kërkon nga 350 deri në 40,000 dollarë për vetëm një mililitër gjak.
Një tjetër, kompania indiane Advy Chemical, kërkon deri në 50,000 dollarë. Sa më shumë antitrupa në mostërn e gjakut, aq më i lartë është çmimi.Kompanitë këmbëngulin se nuk po përfitojnë, por mjekët e quajnë praktikën joetike.
“Unë kurrë nuk kam parë të tilla çmime më parë,” tha Dr. Joe Fitchett, drejtori i Mologic, një prodhues britanik i testeve që iu ofruan mostrat me çmim të lartë. “Është para e fituar nga vuajtjet e njerëzve.” Studiuesit që janë duke u përpjekur të zhvillojnë testet e antitrupave kanë nevojë për mostra të marra nga njerëz që kanë qenë të infektuar me virus, dhe sistemi i tyre imunitare ka mësuar të krijojë antitrupa për ta luftuar virusin.
Kjo është veçanërisht e vërtetë në Britani, ku për të siguruar mostra studiuesit mbështeten në sistemin e centralizuar të shëndetit publik, jo në tregun tregtar. Kompanitë fitimprurëse janë duke reklamuar për donatorë dhe duke i paguar ato – 100 dollarë në rastin e Cantor BioConnect – ndërsa shkencëtarët britanikë janë duke u mbështetur tek vullnetarët.
Aleacia Jenkins, një e mbijetuar nga Covid-19 në Washington State, kishte planifikuar të dhuronte gjake për Cantor BioConnect. Por kur mësoi nga një reporter për çmimin që do të shitej gjaku saj, ajo ndryshoi mendje. / NYT
