Sali Berisha foli nga foltorja e Kuvendit në seancën e kësaj të enjteje për çmimin e naftës, duke theksuar se kryeministri është bërë zëdhënës i kompanive të naftës.
“Fatkeqësitë i shndërron në dramë dhe tragjedi vetëm kjo qeveri. Hajduti ka vetëm refleksin e vjedhjes, nuk ka ndjenja. Lajmëtari i rritjes së çmimit të energjisë është vet kreu i qeverisë. Nuk ndodh në botë që të bëhet zëdhënësi i kompanive të naftës pa patur aksione në ato kompani.
Tregu ka pësuar goditje nga lufta, por problemi është se në Shqipëria nafta ka 4 taksa, 3 tarifa. 12 vende të BE-së kanë ulur taksat e naftës. Çështje kjo kokëfortësi e tmerrshme që nuk lëvizin taksat?”, tha Berisha.
