Anëtarja e kryesisë së PD-së, Jola Hysaj ka bërë thirrje për protestë ditën e hënë 22 dhjetor, ora 18:00.
Hysaj shkruan se, shqiptarët protestojnë sepse nuk dëgjohen nga institucionet dhe janë të lodhur nga pasiguria shtetërore.
Reagimi i Jola Hysaj:
Më 22 dhjetor ora 18:00, protestohet sepse shumë shqiptarë ndihen të lodhur nga pasiguria dhe të padëgjuar nga institucionet.
Sepse dinjiteti i jetës së përditshme, puna e ndershme dhe shpresa për të ardhmen nuk duhet të jenë privilegj.
Protestohet me qetësi dhe përgjegjësi, jo kundër njëri-tjetrit, por për të rikthyer besimin se ky vend mund të funksionojë për qytetarët e vet.
