Kongresi i Perusë ka votuar për ta shpallur presidenten meksikane Claudia Sheinbaum si person non grata – ose të padëshiruar në vend.
Vendimi vjen disa ditë pasi Peruja ndërpreu marrëdhëniet diplomatike me Meksikën, pasi qeveria meksikane i dha azil një ish-kryeministri peruan që përballet me akuza për një përpjekje për grusht shteti në vitin 2022.
Betssy Chávez mohon akuzat se ka luajtur rol në planin e presidentit të rrëzuar peruan Pedro Castillo për të shpërndarë kongresin. Ajo është strehuar në ambasadën meksikane në Lima.
Meksika thotë se i ka ofruar azil Çavezit në përputhje me ligjin ndërkombëtar dhe hodhi poshtë akuzat e Perusë se ky ishte një “akt jo miqësor”.
Deklarata – e miratuar me 63 vota pro dhe 33 kundër në Kongresin Peruvian – shënon përshkallëzimin e fundit në përkeqësimin e marrëdhënieve midis dy kombeve të Amerikës Latine.
Gjatë votimit, ligjvënësit peruanë akuzuan gjithashtu udhëheqësin meksikan për lidhje të ngushta me trafikun e drogës – një pretendim për të cilin ata nuk dhanë prova.
Çavez ishte burgosur në qershor 2023 për rolin e saj të dyshuar në planin e Castillos për të shpërbërë organin legjislativ të Perusë. Ajo u lirua me kusht nga një gjyqtar në shtator dhe i ka mohuar akuzat kundër saj.
Prokurorët kërkojnë një dënim me 25 vjet burg për Chavezin.
Ministri i Jashtëm peruan, Hugo de Zela, i tha agjencisë së lajmeve Reuters se ekspertët ligjorë po rishikonin Konventën e Karakasit të vitit 1954 mbi azilin diplomatik, të cilën Meksika e përdori për të justifikuar ofertën e saj të azilit .
Më herët këtë javë, de Zela tha se Meksika ishte përpjekur t’i “portretizonte autorët e përpjekjes për grusht shteti si viktima”.
“Në realitet, peruanët jetojnë dhe duan të vazhdojnë të jetojnë në demokraci, siç njihet nga të gjitha vendet e botës, me përjashtim të vetëm dhe të vetmuar të Meksikës”, shtoi ai.
Peruja akuzoi gjithashtu Meksikën për “raste të përsëritura në të cilat presidentët aktualë dhe ish-presidentët e atij vendi kanë ndërhyrë në punët e brendshme të Perusë”.
Në vitin 2022, Lima dëboi ambasadorin e Meksikës pas vendimit të saj për t’i dhënë azil gruas dhe fëmijëve të Castillo-s pas arrestimit të tij.
Shtatorin e kaluar, Komiteti i Marrëdhënieve me Jashtë i Kongresit të Perusë propozoi shpalljen e Sheinbaumit person non grata për shkak se nuk dënoi tentativën e grushtit të shtetit të Castillo-s dhe nuk avokoi për lirimin e tij.
