Manchester City e ka turpëruar Chelsean në stadiumin “Etihad”, duke e mposhtur me rezultat të thellë, 6-0.

Ekipi i Pep Guardiolës e nisi furishëm takimin duke shënuar 4 gola brenda 25 minutave, ndërsa dy të tjerë i realizoi në pjesën e dytë.

Pas kësaj fitore të madhe, City ka shkuar në kuotën e 65 pikëve, aq sa Liverpooli, por skuadra e Jurgen Klopp ka një ndeshje më pak të zhvilluar.

Derisa Chelsea mbetet në pozitën e gjashtë pas këtij turpërimi me 50 pikë të grumbulluara.

Kjo humbje e thellë ia ka lëkundur seriozisht karrigen Maurizio Sarrit, i cili rrezikon seriozisht shkarkimin.