Downing Street konfirmoi se pas Brexit punonjësit e kujdesit social nuk do të kualifikohen për vizën e re të qeverisë për shëndetin dhe kujdesin nën sistemin e emigracionit në Mbretërinë e Bashkuar.
Sekretari i Brendshëm Priti Patel ka zbuluar detaje sesi do të funksionojë sistemi i ri i bazuar në pikësim në Mbretërinë e Bashkuar kur të hyjë në fuqi më 1 janar të vitit të ardhshëm, pasi të mbarojnë rregullat e lirisë së lëvizjes të BE-së.
Një vizë shëndetësore dhe e kujdesit do të sigurojë një rrugë për profesionistët kryesorë të shëndetit për të punuar në Mbretërinë e Bashkuar.
Sidoqoftë, kjo nuk do të përfshijë punonjës të kujdesit shoqëror, tha numri 10.
“Ne duam që punëdhënësit të investojnë më shumë në trajnime dhe zhvillime për punëtorët e kujdesit në këtë vend”, tha zëdhënësi zyrtar i kryeministrit.
“Për punonjësit e përkujdesjes në mënyrë specifike, këshilltarët tanë të pavarur të emigracionit kanë thënë se emigracioni nuk është përgjigjja e vetme këtu, kjo është arsyeja pse ne u kemi dhënë këshillave një fond shtesë prej 1.5 miliardë pound për kujdesin shoqëror në 2021-22, si dhe fillimin e një fushate të re rekrutimi”.
Punëtorët ekzistues të BE-së në sektorin e kujdesit mund të aplikojnë për të qëndruar në Mbretërinë e Bashkuar përmes skemës së qëndrimit (settlement scheme) dhe – shtoi zëdhënësi, – një numër shumë i madh e kanë bërë atë.
“Ata njerëz do të qëndrojnë në Mbretërinë e Bashkuar duke siguruar një kujdes vërtet të rëndësishëm për të moshuarit dhe të prekurit.”
Sekretari Laburist, Nick Thomas-Symonds postoi në Twitter: “Çfarë ka kjo qeveri kundër punonjësve të kujdesit?
“Dokumentet e fundit mbi sistemin e propozuar të emigracionit konfirmojnë se konservatorët nuk i konsiderojnë kujdestarët si punonjës të kualifikuar.
“A nuk kanë mësuar asgjë nga kjo krizë? Ne do të kërkojmë sqarime urgjente për këtë.”/Sky News